نائیجیریا میں گیس لائن پھٹنے کے واقعات میں 58 افراد ہلاک،درجنوں زخمی

ابوجا:  نائیجیریا میں ایک گیس ڈپو اور ایک گیس پائپ لائن پھٹنے کے واقعات میں مجموعی طور پر 58 افراد ہلاک ہو گئے ۔ نائیجیریا کی ریاست ناساروا کے دارالحکومت لافیا کی مرکزی شاہراہ سے گزرنے والی گیس لائن پھٹنے سے متعدد گاڑیاں جل کر خاکستر ہو گئیں جس کے نتیجے میں 40 افراد ہلاک ہو گئے۔عینی شاہدین کا کہنا تھا کہ دھماکے کے بعد آگ کے شعلوں کو آسمان کو چھوتے ہوئے دیکھا گیا۔ یہ ہولناک منظر تھا جس میں چند سیکنڈز میں درجنوں گاڑیاں جل کر خاکستر ہو گئیں۔ ایک درجن سے زائد زخمی افراد برن وارڈز میں زیر علاج ہیں۔دوسری جانب نائیجیریا کے شہر وارری میں ایک گیس ڈپو کی سپلائی لائن دھماکے سے پھٹ گئی جس کے نتیجے میں 18 افراد اپنی جانوں سے گئے جب کہ 5 افراد زخمی ہیں جنہیں قریبی اسپتال میں طبی امداد فراہم کی جا رہی ہے۔واضح رہے رواں برس کے دوران نائیجیریا میں گیس لائن پھٹنے کا یہ تیسرا واقعہ ہے۔ جنوری میں ایک گیس ڈپو میں ہونے والے دھماکے میں 10 افراد ہلاک ہو گئے تھے۔

About akhtarsahu

Leave a Reply

Your email address will not be published. Required fields are marked *

*

Powered by Dragonballsuper Youtube Download animeshow

Online Shopping in BangladeshCheap Hotels in Bangladesh