کشمیر ،شوپیاں میں دستی بم حملہ 16افراد زخمی

شوپیاں (کرائم سیل)بھارت کے زیر انتظام کشمیر کے ضلع شوپیاں میں دستی بم حملے کے دوران 4 پولیس اہلکاروں سمیت متعدد افراد زخمی ہوگئے۔ دہشت گردوں کی جانب سے شوپیاں میں بتاپورہ چوک پر دہشت گردوں کی جانب سے دھماکا خیز مواد سے پولیس کی گاڑی کو نشانہ بنایا گیا، جس کے نتیجے میں 4 اہلکاروں اور 12 شہری زخمی ہوئے۔اس حوالے سے جموں کشمیر پولیس کے ترجمان کا کہنا تھا کہ ’ اس حملے میں 12 شہریوں کے زخمی ہونے کی اطلاعات ہیں، جن میں ایک لڑکی کو گہرے زخم آئے ہیں جبکہ اس واقعے میں 4 پولیس اہلکار بھی زخمی ہوئے ہیں‘۔انہوں نے بتایا کہ حملے میں زخمی ہونے والے افراد کو طبی امداد کے لیے قریبی ہسپتال منتقل کردیا گیا ہے جبکہ علاقے کو گھیرے میں لے کر تلاشی کا عمل جاری ہے۔خیال رہے کہ وادی میں گزشتہ ایک ہفتوں کے دوران دستی بم حملوں میں اچانک اضافہ ہوا ہے اور سری نگر میں 3 جبکہ ترل اور اننت ناگ میں 2 حملے کیے گئے تھے۔دوسری جانب کشمیر میڈیا سروس کی جانب سے کہا گیا ہے کہ شوپیاں میں ہونے والے دستی بم حملے میں 2 خواتین سمیت 10 افراد زخمی ہوئے ہیں۔اپنی رپورٹ میں کشمیر میڈیا سروس کا کہنا تھا کہ بتاپورہ چوک کے قریب دستی بم حملے کیا گیا، اس حوالے سے چیف میڈیکل آفیسر ( سی ایم اے ) شوپیاں نے میڈیا کو بتایا کہ ان کے پاس ایس ایچ او گلزار احمد سمیت 10 افراد زخمی حالت میں لائے گئے، جن میں 2 خواتین بھی شامل ہیں۔ادھر دستی بم حملے کے بعد شوپیاں میں بھارتی فوج اور مظاہرین کے درمیان جھڑپ ہوگئی اور کشمیری نوجوانوں کی جانب سے بھارتی فوج کو مقامی مسجد سے پھیجے ہٹنے کے لیے پھتراو¿ کیا گیا جبکہ بھارتی فوج کی جانب سے مظاہرین پر شیلنگ کی گئی۔

Leave a Reply

Your email address will not be published. Required fields are marked *

*

Powered by Dragonballsuper Youtube Download animeshow

Online Shopping in BangladeshCheap Hotels in Bangladesh